Frente á adversidade solo queda un camiño: a loita.
Por iso dende a Deputación non podemos resignarnos a aceptar o contínuo despoboamento demográfico que está a sufrir Galicia e en especial a provincia de Lugo desde hai anos e o mellor xeito de afrontar este gran problema de costes incuatificables é sumar esforzos e tomar medidas que aseguren a fixación da población.
Baixo esta premisa presentouse onte o libro «Lugo Reacciona«, unha publicación que, por primeira vez, recolle a opinión dos mellores expertos de Galicia na materia e ofrece fórmulas para frear a imparable caída demográfica. A súa importancia é clave e de deito o documento constituirá a folla de ruta do orzamento do ano 2013 que será remitida esta misma semana ós grupos parlamentarios e á Xunta.
Os seus autores, Xosé Gabriel Vázquez Fernández, doutor en Socioloxía, José Manuel Colmenero Álvarez, delegado do Instituto Nacional de Estatística de Lugo, Andrés Precedo Ledo, catedrático de Xeografía Humana da USC, Francisco Sineiro, profesor da Escola Politécnica Superior de Lugo, Melchor Fernández, director do Instituto Universitario de Estudos e Desenvolvemento de Galicia da USC, Roberto Lorenzana, tamén profesor da Escola Politécnicas Superior de Lugo, e Vicente González Radío, doutor en Ciencias Políticas e Socioloxía, compartiron durante o acto de presentación algunhas das claves para recuperar habitantes:
- Conciencia cidadana
- Que os centros de decisión das empresas estean en Galicia, se non sempre seremos unha economía subordinada, como está a pasar co sector lácteo
- Reformas estruturales como a modificación da Lei de Sucesión, que impide a moitos mozos seguir á fronte das explotacións gandeiras
- Modificar o sistema de herdanzas, xa que o minifundio imposibilita explotacións con dimensións competitivas
- A non fusión dos municipios, que contribúe a acelerar o despoboamento e a perda de dinamismo
- Aposta pola calidade dos produtos galegos e a produción ecolóxica
- Avogar pola cooperación interadministrativa
- A extensión das novas tecnoloxías no rural, manter transporte públicos básicos nas áreas en declive
- Aposta pola migración de xubilados e neorurais
- Potenciar as cabeceiras de comarca porque son polos de crecemento que fixan poboación
- Integrar as políticas de todas as Consellerías dedicadas a unha mesma comarca nun único proxecto, xa que evitaría duplicidades
- Aposta polo arrendamento de terras de explotacións que cesaron a súa actividade
- Máis apoio para as empresas do rural, como en Francia, onde reciben axudas públicas
- Aposta polas centrais de reservas como un modelo de cooperativismo para que se creen empresas
- A creación de residencias e centros de día, e a atención a domicilio como oportunidades de creación de emprego
O libro foi presentado no marco da xornada sobre cooperativismo na que tamén participaron Francisco Sineiro, Andrés Precedo Ledo y Javier Taboada.
Loading ...